Pozicioni: Menaxher rasti

Projekti: “Mbrojtja dhe Fuqizimi i të Rinjve LGBTI+ në Bashkinë e Tiranës gjatë Situatës së Pandemisë Covid-19”. 

 “Streha” është qendra e parë rezidenciale në Shqipëri që i vjen në ndihmë komunitetit LGBTI+  përmes shërbimit konkret tranzitor për të gjithë të rinjtë LGBTI+, 18-29 vjeç, që hasin dhunë, diskriminim dhe nevojë për strehim për shkak të orientimit të tyre seksual apo identitetit gjinor. “Streha” ofron edhe shërbime  për fuqizimin dhe integrimin e individëve LGBTI+.

Qendra Streha në kuadër të projektit  “Mbrojtja dhe fuqizimi i të rinjve LGBTI+ në Bashkinë e Tiranës gjatë situatës së pandemisë Covid-19”, kërkon të punësojë një menaxher/e rastesh nëpërmjet një kontrate konsulence.

Informacion për projektin

Projekti “Mbrojtja dhe fuqizimi i të rinjve LGBTI+ në Bashkinë e Tiranës gjatë situatës së pandemisë Covid-19” synon përmirësimin e situatës së anëtarëve të komunitetit LGBTI nëpërmjet përfitimit të shërbimeve mbrojtëse dhe ofrimit të kurseve profesionale.

Rezultatet e pritshme te këtij projekti janë:

-Të paktën 40 persona vulnerabël të komunitetit LGBTI+ përmirësojnë situatën e tyre nëpërmjet përfitimit të shërbimeve mbrojtëse të Strehës

-Të paktën 20 të rinj vulnerabël nga komuniteti LGBTI fuqizohen duke përfunduar kurse profesionale dhe duke u integruar në tregun e punës.

Të interesuarit të dërgojnë:

– CV

Aplikimet pranohen deri më: 11 prill 2021,  në adresën:  info@strehacenter.org.

Për të shkarkuar termat e referencës:

Projekti: “Mbrojtja dhe Fuqizimi i të Rinjve LGBTI+ në Bashkinë e Tiranës gjatë Situatës së Pandemisë Covid-19”. 

Informacion mbi projektin dhe qëllimin e shërbimit

Në kuadër të projektit “Mbrojtja dhe Fuqizimi i të Rinjve LGBTI+ në Bashkinë e Tiranës gjatë Situatës së Pandemisë Covid-19’’, mbështetur nga Bashkia e Tiranës dhe zbatuar nga Qendra “Streha”, kërkohet një ekspert në pozicionin e menaxherit të mediave sociale.

Objektivat e Projektit:

Objektivat specifikë të projektit janë:

1. Mbrojtja e personave më vulnerabël të komunitetit LGBTI+ nëpërmjet plotësimit të nevojave për strehim të sigurt, nevojave ushqimore dhe atyre mjekësore.
2. Fuqizimi i personave më vulnerabël të komunitetit LGBTI+ nëpërmjet rritjes së aftësive jetësore, ofrimit të kurseve profesionale dhe ndërmjetësimit në tregun e punës.

Aplikimi:

Kandidatët e interesuar duhet të paraqesin: a) letër interesi b) CV në gjuhën Shqipe  

Afati i dorëzimit të aplikimit është data 11 prill 2021, në adresën info@strehacenter.org

Termat e plota të referencës, mund ti shkarkoni në lidhjen në vijim:

Në prag Karnavalesh. Kur shoqëria vendos maska dhe feston, disa prej nesh detyrohen të vijojnë të mbajnë maskën për hir të shoqërisë. Mbajnë këtë maskë për të mbrojtur jetën e tyre. Po të flas për këtë grup njerëzish që shoqëria i poshtëron në fytyrë dhe mendon që nuk janë të denjë te jenë pjesë e shoqërisë së tyre.

Këta nuk janë të denjë vetëm sepse kan një orientim ndryshe. Duke marrë shkas nga kjo, disa prej nesh larguam për disa çaste maskën që shoqëria u vendos dhe festuam një herë me veten tonë të vërtetë.

Simbolikisht vendosëm maska dhe ne, ku në këto maska ishin shkruar epitetet të cilat shoqëria na kishte vendosur. U përballem me to dhe nga ky process nxorëm më të mirën nga vetja, për të treguar të kundërtën e asaj që shoqëria kishte projektuar te ne.

Festa e Karnavaleve ishte aktiviteti që u realizua fundjavën e kaluar, përgatitem maska dhe mbi to vendosem epitete ose “nofka” që shoqëria na ka vendosur. Mbajtëm këto maska për pak kohë dhe po shikonim reagimin e njëri-tjetrit dhe më pas simbolikisht njëjtë si në çdo Karnavale, i dogjëm këto maska bashkë me epitetet që mbanin sipër.

Pas kësaj patëm një moment reflektimi dhe bisede sesi mund të kontribuojmë ne për të përmirësuar shoqërinë dhe ndryshimin e këtij mentaliteti që na ka vendosur epitete të tilla.

Më pas festuam dhe ne si të gjithë me fytyrat tona  ashtu siç ishim dhe ndjeheshim, të lirë.

Pozicioni: Punonjës/e Rastesh me kohë të plotë

Aplikimet pranohen deri në përzgjedhjen e kandidatit/es nga ana jonë. Aplikimet tuaja mund t’i dërgoni në adresën:  info@strehacenter.org.

Qendra ‘’Streha’’ kërkon të punësojë një Punonjës/e Rastesh me kohë të plotë për shërbimin rezidencial që  është i hapur 24 orë në mbështetje të komunitetit LGBTI+ në Shqipëri.

Detyrat e Punonjës/e Rastesh

• Monitorimin e aktiviteteve lidhur me aftësimin për jetën të përfituesve.
• Menaxhimin e rastit sipas planit të miratuar nga ekipi multi-disiplinar.
• Mbajtja dhe plotësimi i protokollit gjatë orarit përkatës të punës, duke pasqyruar aktivitetet.
• Pjesëmarrja gjatë realizimit të aktiviteteve social-kulturore së bashku me përfituesit.
• Raportimi/referimi i realizimit të aktiviteteve të planit të ndihmës së përkujdesit ndaj përfituesit.
• Pjesëmarrje në ekipin multidisiplinar në varësi të rastit.

Kushte për të interesuarit

• Të ketë mbaruar studimet e arsimit të lartë (Evidencë të paktën e diplomës Bachelor, preferohen personat që kanë studiuar në Fakultetet e Shkencave Sociale, në degët Punë Sociale ose Psikologji).
• Të ketë njohuri shumë të mira të gjuhës angleze si dhe njohuri kompjuterike.
• Të ketë aftësi shumë të mira komunikuese dhe të tregojë vullnet për të punuar në grup.
• Të ketë njohuri rreth vështirësive me të cilat përballet komuniteti LGBTI+.
• Preferohet të ketë eksperiencë të mëparshme pune me komunitetin LGBTI+.
• Të jetë i/e gatshëm të punojë edhe në turne dhe me orar fleksibël gjatë fundjavave.
• Të mos jetë në të kaluarën i/e dënuar me vendim të formës së prerë. 

Mënyra e aplikimit:

Të interesuarit të dërgojnë:

– CV

– Letër Motivimi 

– Një Letër Referimi nga punëdhënës të mëparshëm

Aplikimet duhet të dërgohen brenda datës në adresën info@strehacenter.org.

Vetëm të interesuarit që do të përzgjidhen në një listë të shkurtër do të njoftohen për një intervistë me punëdhënësit.

Thirrje për jurist/e

Terma Reference

Qendra Streha kërkon një jurist/e i cili do ndihmojë në rritjen e ndërgjegjësimit të komunitetit LGBTI+ për të drejtat e tyre si dhe do të asistojë nevojat e tyre ligjore.

Hyrje

Qendra Streha në kuadër të projektit  “Rritja e ndërgjegjësimit për të drejtat dhe përmirësimi i situatës ligjore dhe psiko – sociale të personave LGBTI + që jetojnë në zona të thella dhe rurale të Shqipërisë.”, pjesë e skemës së granteve të projektit “Fuqizimi i individëve dhe komuniteteve të margjinalizuara mbi të drejtat e njeriut dhe qasjen në drejtësi”, i financuar nga Agjensia Austriake e Zhvillimit dhe i zbatuar nga UNDP në bashkëpunim me Ministrinë e Drejtësisë, kërkon të punësojë një jurist/e i cili nëpërmjet ekspertizës së vet do ndihmojë në realizimin e sesioneve informuese mbi të drejtat e grupeve të margjinalizuara me në fokus komunitetin LGBTI si dhe do të asistojë nevojat e tyre ligjore përgjatë periudhës së zbatimit të projektit.  

Informacion për Qendrën Streha

“Streha” është qendra e parë rezidenciale në Shqipëri që i vjen në ndihmë komunitetit LGBTI+  përmes shërbimit konkret tranzitor për të gjithë të rinjtë LGBTI+, 18-29 vjeç, që hasin dhunë, diskriminim dhe nevojë për strehim për shkak të orientimit të tyre seksual apo identitetit gjinor. “Streha” ofron edhe shërbime  për fuqizimin dhe integrimin e individëve LGBTI+.

Informacion për projektin

Projekti “Rritja e ndërgjegjësimit për të drejtat dhe përmirësimi i situatës ligjore dhe psiko – sociale të personave LGBTI + që jetojnë në zona të thella dhe rurale të Shqipërisë” synon përmirësimin e aksesit në drejtësi të të rinjve të grupeve të margjinalizuara me një fokus të vecantë tek komuniteti LGBTI. Objektivi i përgjithshëm i projektit është “Fuqizimi dhe përmirësimi i aksesit në drejtësi për të rinjtë e komunitetit LGBTI+, duke identifikuar dhe eliminuar pengesat që lidhen me këtë process.”

Rezultatet e pritshme të këtij projekti janë:

1. 30 të rinjë të komunitetit LGBTI+ dhe grupeve të tjera të margjinalizuara, do të informohen mbi legjislacionin që i mbron nga dhuna dhe diskriminimi dhe do të njihen me shërbimet për ta.
2. 30 të rinjë të komunitetit LGBTI+ do të ndihmohen me ofrimin e shërbimeve ligjore.

Në kuadër të këtij projekti, juristi/ja do të asistojë në kryerjen e sesioneve informuese  mbi të drejtat  dhe situatën e aksesit në drejtësi të të rinjve që janë pjesë e grupeve të margjinalizuara me fokus të vecantë tek komuniteti LGBTI+, dhe do të ndjeki nevojat ligjore të të rinjve LGBTI+.

Përgjegjësitë e juristit/es

Në kuadër të këtij projekti, juristi/ja do jetë përgjegjës për realizimin e detyrave të mëposhtme:

• Së bashku me koordinatorin e projektit do të përgatisi sesionet për rritjen e ndërgjegjësimit për të drejtat.
• Do marrë pjesë në sesionet informuese që do të zhvillohen në qytetin e Shkodrës, Durrësit dhe Vlorës.
• Do realizojë vlerësimin e nevojave ligjore të të rinjve dhe së bashku me menaxherin e rastit do plotësojë nevojat ligjore të personave LGBTI+.

Përgjegjësitë e Qendrës Streha

• Të identifikojë të rinjtë pjesëmarrës në sesionet informuese.
• Të lehtësojë mbarëvajtjen e punës së ekspertit ligjorë dhe të ndërmjetësojë kontaktin e parë me përfituesit e mundshëm të projektit.
•  

Kualifikimet

• Studime pasuniversitare në Juridik.
• Të paktën 3 vjet përvojë pune relevante.
• Njohje shumë të mirë të Ligjit 10 221 “Për Mbrojtjen nga Diskriminimi”, Ligjit 9669 “Për Masa ndaj Dhunës në Marrëdhëniet Familjare” dhe çështje të tjera ligjore relevante për vlerësimin e situatës.
• Të ketë eksperiencë në ofrimin e shërbimit ligjorë grupeve të ndryshme të marxhinalizuara.
• Të jetë i/e aftë të respektojë afatet kohore dhe t’iu qëndrojë korrekt atyre.
• Të jetë fleksibel dhe tu përgjigjet nevojave të organizatës kontraktuese.
• Të njohë mirë gjuhët Shqip dhe Anglisht.

Koha e zhvillimit të projektit: 12 Muaj

Dorëzimi i aplikimeve

Kandidatët e interesuar duhet të dërgojnë me e-mail dokumentet e mëposhtme: a) letër interesi në Anglisht, b) cv në Anglisht

Dorëzimi i aplikimeve duhet të bëhet ne adresën strehalgbt@gmail.com, brenda datës 12.11.2020.